Imigi System - business software

Една стара изрека кажува : Паметниот запишува.

ИПИ овозможува правењето белешки да биде лесно и ефикасно. ИПИ е правен онака како што јас го замислувам , а го немаат другите програми за белешки кои можете да ги симнете од интернет. Затоа и го користам секој ден .

Корисноста на ИПИ зависи од тоа колку Ви е комплексен работниот ден. За некои тој нема да биде од голема корист, а за некои тој ќе биде право олеснување во организирањето на истиот тој ден. Односно ако сте на пример секретар во некоја фирма и треба сите дневни податоци да ги забележите на едноставен начин и на едно место, а повремено да се потсетите што било пред 3 месеци со некој настан тогаш ИПИ ќе биде Вашиот најголем пријател.

Истото се однесува и ако сте на пример директор,шеф на сметководство, менаџер но и било кои работни места кои работат со луѓе и настани . Тие занимања имаат секојдневно бројни настани кои е најдобро да се запишат и обично се релевантни и после неколку месеци или години. Доколку направите добра белешка со ИПИ лесно ќе ги погледнете фактите и ќе бидете на свое. Не еднаш сум бил изненаден од некоја белешка која се однесува на некој настан од пред неколку месеци или дури и години и таа белешка ми го повратила сеќавањето на тој настан кој веќе сум го заборавил а сега и точните факти се пред мене . Меѓутоа ИПИ може на секого да му биде користен .Меморијата во главно не е идеална и ретки се луѓето со добра меморија, иако ги има, па и тие забораваат.

Она по што ИПИ е посебен е тоа што има Теми. Односно белешките за Мира и за Вера не треба да бидат на едно место. Кога ќе отворам Тема Мира и ќе кликнам на Мира белешката која ќе ја запишам во тој момент ќе биде запишано во темата Мира, а за Вера исто така ќе кликнам на Вера. Тоа драстично ја подобрува кориснота од ИПИ и е опција која не сум ја сретнал во програмите кои може да се симнат од интернет. Пребарувањето е исто така од голема корист.